• Авторы
• •
• Гимаев Забир Шаухатович

Зәбир Шәүкәт улы Гыймаев
1951 елның 20 сентябрендә Ютазы районы Ак чишмә авылында туа.
1969 елда Кәрәкәшле урта мәктәбен тәмамлагач, Башкортстанның Октябрьск шәһәрендә нефть чыгаручы оешмаларда эшли.
1970–1972 елларда Совет армиясе сафларында хезмәт итә. 1972 елда Түбән Кама шәһәренә килеп төпләнә. Шин заводында эшли.
1989 елда, читтән торып, Казан дәүләт университетының татар филологиясе бүлеген тәмамлый. 2015 елга кадәр Түбән Кама шәһәренең 25 нче гимназиясендә тарих, татар теле һәм әдәбияты фәннәрен укыта.
2015–2020 елларда Түбән Кама «Надежда» («Өмет») физик мөмкинлекләре чикләнгән балаларга белем бирү мәктәбендә татар теле һәм әдәбияты укыта.
Зәбир Гыймаев ХХ гасырның 80–90 нчы елларында ук әдәби иҗат белән мавыга. «Туган як» (Түбән Кама) газетасында, «Идел» альманахында беренче хикәяләре басыла. Аннан соң да чәчмә әсәрләре «Казан утлары», «Идел», «Мәйдан» журналларында даими басылып тора.
Автор республика күләмендә узган әдәби конкурсларда актив катнаша, җиңүләр яулый. «Татар пьесасы» бәйгесендә кызыксындыру премиясенә (2012), 2 нче урынга (2014) лаек була, «Казан утлары» журналы оештырган, нефтьчеләргә, көрәшчеләргә багышланган тематик конкурсларда 1 нче (2019), 3 нче (2022) урыннар яулый.
Бүгенге көндә Түбән Кама шәһәрендә яши, лаеклы ялда.

Гимаев Забир Шаухатович