Кызыклы китаплар сериясе!

Дуслар, бездә нәниләр белән эшләүчеләр һәм сыйфатлы балалар китапларын хуп күрүчеләр өчен бик шәп яңалык бар.

Тәрбиячеләр һәм укытучылар белән тыгыз аралашканнан соң, аларның күп кенә үтенечләрен һәм теләкләрен искә алып, без Татарстанның мәктәпкәчә учреждениеләре өчен кызыклы балалар китаплары сериясен чыгардык. Бу гадәти китаплар гына түгел. Бу - җете төсләргә бай рәсемнәр белән бизәлгән чын мәгънәсендәге хәзинә. Мондый китаплар беренче мизгелдән үк баланы үзенә җәлеп итә, мавыктыра. Иң мөһиме – алар балалар белән туган телдә сөйләшү өчен менә дигән ярдәмлек.

Без бу проектны Татарстан Рәисе каршындагы татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре буенча комиссия ярдәме белән гамәлгә ашырдык.

Без киләчәкне бергәләп төзибез!