Бөек бәйрәм!

Бөек бәйрәм — Бөек Ватан сугышында Җиңүнең 80 еллыгы алдыннан без яраткан коллегабыз-ветераныбыз Сибгатуллина Сания Зыятдин кызы янына барып, аңа тирән ихтирам һәм рәхмәт хисләре аша бүләкләребезне тапшырдык.Бу очрашулар безнең барыбыз өчен дә үзенчәлекле һәм онытылмас мизгелләргә әверелә. Кадерле коллегабызның сөйләгәннәрен һәрвакыт йотлыгып тыңлыйбыз. аның ныклыгына, батырлыгына һәм тормыш зирәклегенә сокланабыз. Без чын күңелдән Сания Зыятдин кызына аның 96 яшькә якынлашып килгән көннәрендә ныклы сәламәтлек, бәхет һәм иминлек телибез! Һәр яңа көн аңа якыннарының шатлыгын һәм җылысын китерсен!