Басма китаплар Нәсел шәүләсе

Кайчак үткәннәр югалмый. Еллар узса да, алар шәүлә булып кеше артыннан иярә, күңел түрендә яшеренеп кала һәм көтмәгәндә янә үзләрен сиздерә.
Арзу сөйгән кешесе белән бәхетле тормыш корырга җыена. Әмма гаиләсендәге ир-атларның гомерен бер-бер артлы өзгән фаҗигаләр һәм еллар буе яшерелгән серләр аның күңеленә шом сала. Аларның нәселен чыннан да каргыш эзәрлеклиме? Яраткан кешесен саклап калу өчен, Арзуга аңардан баш тартырга туры килерме? Кеше үткәннәрнең әсире булып каламы, әллә үз юлын үзе сайлый аламы?
«Нәсел шәүләсе» повестендә мәхәббәт белән курку, өмет белән югалту, гаилә серләре белән хакыйкать бәргә үрелә. Китапка кергән биш хикәядә дә геройлар катлаулы сайлау алдында кала: рәнҗешкә бирелергәме, әллә кичерергә көч табаргамы; өметне өзәргәме, әллә соңгы мизгелгә кадәр көрәшергәме? Геройларның язмышлары югалтулардан соң да яшәргә, куркуга карамастан яратырга һәм иң авыр мизгелдә дә өметне югалтмаска кирәклеген искәртә.
Китап киң даирә укучыларга тәкъдим ителә.