Суфиянов Айрат Тәлгат улы

Айрат Тәлгат улы Суфиянов 1958 елның 26 мартында Башкортстанның Балтач районы Усман авылында туа. 1975 елны Нөркә урта мәктәбен тәмамлаганнан соң, ул Уфа энергетика техникумына укырга керә, 1978 елны тәмамлап, Татарстанның Түбән Кама шәһәрендә ТЭЦ-1 дә бер ел эшли. А.Суфиянов 1979-1981 елларда Куйбышев (хәзерге Самара) шәһәрендә хәрби хезмәт бурычын үти. Армиядән соң, 1981-1985 елларда, КомиАССРда эшли. А.Суфиянов 1985 елдан бүгенге көнгә кадәр Татарстанның Чаллы шәһәрендә КамАЗның двигательләр заводында сынаучы-контролер вазифасын башкара. Беренче шигырьләре Башкортстанның Балтач районында 1983-1985 елларда басыла. Аның беренче китабы «Кылычлы җил» исеме белән Татарстан китап нәшриятында 2006 елда дөнья күрә. А.Суфиянов - 2007 елдан Татарстан Язучылар берлеге әгъзасы.