ГӨЛНАЗ ӘХӘТ КЫЗЫ ХӘЙРУЛЛИНА 1979 елда Татарстанның Кама Тамагы районы Көрәле авылында дөньяга килә. Иске Казиле урта мәктәбендә белем ала, аннары Казан дәүләт педагогика университетының физика факультетын тәмамлый. Мәгариф хезмәткәрләренең квалификациясен үстерү институтында «Татар теле һәм әдәбияты укытучысы» белгечлеге ала. Бүгенге көндә Татарстан китап нәшриятында редактор булып эшли. Г. Хәйруллина – «Таян Аллага» әдәби бәйгесе җиңүчесе (2021, 2022); «Рухият» рухи яңарыш фонды һәм Татарстан Язучылар берлеге оештырган «Нефть туган җирдә» әдәби конкурсы лауреаты (2023); Роберт Миңнуллин исемендәге балалар һәм яшүсмерләр өчен иң яхшы әдәби әсәр конкурсы җиңүчесе (2023).