Печатная Галия Кайбицкая. Узган тормыш хәлләрем

Татарстанның халык артисткасы, Г. Камал исемендәге Татар дәүләт академия театры артисткасы, М. Җәлил исемендәге Татар дәүләт опера һәм балет академия театры солисткасы, Кайбыч исеме белән аваздаш тәхәллүс алып, район данын илкүләм таныткан Галия Кайбицкаяның әлеге китабында дистә еллар буе берничә дәфтәргә ихлас күңелдән язылган үзе күргән-кичергәннәре, истәлекләре үзгәртүләрсез туплап бирелде. Атаклы мәгърифәтчеләр гаиләсендә, Камил Мотыйгый, Габдулла Тукай, Габдулла Кариевлар белән Уральскида үткән балачагы, иҗатташ дуслары Салих Сәйдәшев, Кәрим Тинчурин, Муса Җәлил, Сара Садыйкова, Ситдыйк Айдаров, Ильяс Әүхәдиевләр янәшәсендә яшьнәп үткән Казан чоры сәнгать эшчәнлеге горурлану хисе белән сугарылган. Аның тормышы – тулы бер чор чагылышы. Китап Галия Кайбицкаяның тормышын тулырак күзалларга ярдәм итәр һәм тууына 120 ел тулу уңаеннан моңлы сандугачыбызның иҗатын яратучыларга, якыннарына, туганнарына бүләк булыр.