Печатная Милләт анасы

«МИЛЛӘТ АНАСЫ. Сәйдә Аппакова» китабы Татарстанда һәм Россиянең башка төбәкләрендә үзенең дини, иҗтимагый эшчәнлеге белән танылган абыстай-дәгъвәтче, вәгазьче, мөгаллимә, җәмәгать эшлеклесе, хәйрияче – Сәйдә Аппакованың тормыш юлы һәм киңкырлы хезмәте турында.
Ул Ислам динен үстерү, гореф-гадәтләрне, гаилә кыйммәтләрен саклау, Россия халкын әдәп-әхлаклы итү, үсеп килүче буынны патриотлык хисе белән тәрбияләүгә зур өлеш керткән ханым. Аның укучылары бүген педагог, профессор, табиб, республика җитәкчелеге хакимиятендә дәүләт хезмәткәрләре, араларында эшмәкәр, дин әһеле дә бар һәм һәркайсы үз эшенең остасы. Сәйдә Аппакова ил халкының олы хөрмәтен, иҗтимагый тануын һәм мәхәббәтен яулаган, көчле рухлы, тирән белемле, абруйлы абыстай. Әлеге басмада героебыз укучыларга киңкырлы шәхес буларак ачыла, аның тормышындагы яңа фактлар, фотосурәтләр тәкъдим ителә.