Электронная Татар халык иҗаты 25 томда 10 том. Китаби дастаннар

Егерме биш томнан торган «Татар халык иҗаты» басмасының әлеге томы татар китаби дастаннарына багышлана. Әлеге томны әзерләп чыгаруның төп максаты – татар дастаннарын дөнья эпосы янәшәсендә таныту. Татар фольклорының дастан жанры, «тере» эпостан аермалы буларак, язма культура белән тыгыз бәйләнгән. Китаби дастан – ярым язма, ярым фольклор, ярым индивидуаль, ярым традицион бөтен. Халыкның эпик тел-стиль традицияләре, тере сөйләмнән язып алынган эпоска хас халык идеологиясе һ.б. татар китаби дастаннарында үзенчәлекле чагылыш тапкан. «Татар халык иҗаты»ның әлеге томында татар фольклористикасы тарихында китаби дастан текстлары, бергә тупланып, әле беренче мәртәбә дөнья күрә. Кереш мәкаләдә китаби дастаннарга әтрафлы фәнни характеристика бирелә, аларга классификация ясала, халыкның эпик тел-авыз иҗаты милләтнең тарихи-мәдәни барышы яссылыгында күзәтелә.